Эрдэнэбулган сумын Гэмт хэргээс урьдчилан сэргийлэх ажлыг зохицуулах салбар зөвлөлөөс аймгийн Цагдаагийн газартай хамтран Олон нийтийн цагдаагаар ажиллах гурван иргэнийг энэ оны 04 дүгээр сарын 1-нээс ажиллуулж эхэлсэн юм. Эдгээр Олон нийтийн цагдаа нартай сумын ИТХ-ын дарга Т.Ганзориг хөдөлмөрийн гэрээ байгуулж, цаашдын ажилд нь амжилт хүслээ.
Жил бүр Эрдэнэбулган сумын ГХУСАЗСЗ-өөс Олон нийтийн цагдаагийн ажилтнуудыг ажиллуулдаг бөгөөд дийлэнх нь аймгийн Цагдаагийн газарт үндсэн албан хаагчаар шалгарч ажилладаг юм. Олон нийтийн цагдаа нар нь үндсэн цагдаагийн алба хаагчидтай хамтран эргүүл хийх, дуудлага мэдээлэл шалгах зэрэг ажлуудыг гүйцэтгэх бөгөөд цагдаагийн хүчийг нэмэгдүүлж ажиллах зорилготой билээ.